Monseñor Barrio inaugura mañá a Xornada de Pastoral Educativa organizada por Escolas Católicas de Galicia

Escolas Católicas de Galicia organiza a  Xornada de Pastoral Educativa 2016, que terá lugar mañá sábado, día 13 de febreiro, nas instalacións do colexio La Salle de Santiago. O lema desta xornada é “Escolas en Camiño”. O arcebispo de Santiago, monseñor Xulián Barrio Barrio, abrirá o encontro a partir das 9:45 horas, unha cita á que está prevista a asistencia de 350 directivos e profesores de distintos colexios de Galicia. Ao longo da xornada haberá 3 relatorios ou conferencias, a cargo doutros tantos especialistas, e unha Mesa Redonda.

O primeiro relatorio estará a cargo de Xosé Manuel Domínguez Prieto, doutor en Filosofía, profesor de filosofía que imparte cursos universitarios, formador en antropoloxía e psicoloxía da persoa. A través de máis de corenta libros difunde a filosofía personalista en foros filosóficos e psicolóxicos. Desenvolverá o relatorio: A Escola Católica como Camiño de: acollida, apertura, espiritualidade, solidariedade, innovación, creatividade…  Unha escola que abre aos seus alumnos os camiños da vida para ensinarlles a desenvolver e apreciar as calidades que Deus lles concedeu e canto de bo e belo puxo ao noso redor e na natureza.

No segundo relatorio Francisco Castro Miramontes, franciscano, gardián do convento de Santiago, licenciado en Dereito e Teoloxía. Home de fonda espiritualidade e experiencia no acompañamento de persoas nos camiños de Xesús en Terra Santa e no Camiño de Santiago. Tratará de como as Escolas Católica poden e deben fomentar a vivencia espiritual dos seus alumnos e o acompañamento que deben facilitarlles para que sexan posibles e positivas tales experiencias.

O terceiro relatorio vai ser de Siro López, licenciado en Teoloxía, formador e artista polifacético que conxuga a pintura, o deseño, a fotografía, a ilustración, o teatro o mimo e a danza. Será o responsable da parte lúdica- estética- festiva. Falará de como as Escolas Católicas poden e deben ser un camiño de convivencia, harmonía , beleza, amizade, compañeirismo e alegría.

Na primeira sesión da tarde celebrarase unha Mesa Redonda, que será animada por María Castro e na que intervirán: Xulio César Iglesias, salesiano, profesor que ten feito varias veces o Camiño de Santiago cos seus alumnos, para falarnos das vivencias persoais e dos alumnos así como do acompañamento que necesitan; Ángeles Carbajo, profesora que fixo unha experiencia de intercambio con alumnos de varios países e de diferentes relixións, informará de como é necesario un coñecemento, respecto, acollida, diálogo e “humanidade”; e Xosé Manuel Castiñeira, franciscano, que acolle e atende aos peregrinos no Santuario do Cebreiro.

PDFDIPTICO

 

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar