Preparativos da VII Semana de Cine Espiritual

Escolas Católicas e a Delegación de Infancia e Xuventude remitiron aos profesores de Relixión e aos centros relixiosos unha circular, para informarlles dos preparativos da VII Semana de Cine Espiritual, que se vai celebrar entre os días 15 e 26 do vindeiro mes de febreiro. A circular remitida di o seguinte:

O motivo desta circular é o de comunicarlles que Escolas Católicas xunto co Departamento de Pastoral Xuvenil  imos organizar a VII Semana de cine espiritual en Galicia. O sexto sentido: a mirada interior, entre os dias 15 e 26 de febreiro de 2016 e que convidamos a participar nela a todos os colexios e institutos públicos que estean interesados.

Como en anos anteriores, os alumnos terán ao seu dispor unhas fichas de traballo elaboradas pola editorial Edebé para traballar sobre os filmes visionados. As películas que se proxectarán serán as seguintes:

Trash. Ladrones de esperanza, recomendada para alumnos de 1º ESO ata 1º Bacharelato

Meñique y el espejo, recomendada para alumnos de 1º a- 4º de Primaria.

La canción del mar, recomendada para alumnos de 5º e 6º de Primaria.

Se houbera alumnos, as sesións terán lugar en Santiago, Vigo, Coruña, Lugo e Ourense e o prezo será de 4 euros por alumno, para pagar custos de dereitos de exhibición e locais. Adxuntamos un pdf con información máis detallada sobre os filmes e mais a ficha de inscrición, na que deberán indicar o número de alumnos que van participar, e que remitirán ao enderezo electrónico de Javier García: javi.cura@hotmail.com.

O prazo para inscribirse remata o 25 de setembro.

www.depasxuventude.com