A Asociación Raiña recibe a Medalla de Bronce ao Mérito Social Penitenciario

A Asociación Raiña foi distinguida este 24 de setembro no Centro Penitenciario de Teixeiro coa Medalla de Bronce ao Mérito Social Penitenciario, coincidindo coa festividade da Nosa Señora da Mercé, patroa das Institucións Penitenciarias.

O galardón foi recollido por D. Víctor Manuel Blanco Naveira, presidente da Asociación Raiña, quen manifestou a gratitude á Entidade por este recoñecemento ao labor realizado en favor das persoas privadas de liberdade.

A Asociación desenvolve cada ano un programa formativo no Centro Penitenciario, orientado á reinserción social e á adquisición de competencias para a vida en liberdade. Este 2025 a formación céntrase na compostaxe, promovendo hábitos sostibles, reciclado de desperdicios alimentarios, responsabilidade persoal e coidado da Creación.

Desde Raiña queremos expresar o noso sincero agradecemento a todas as persoas que fan posible esta misión: participantes, familias, profesionais e institucións colaboradoras. De maneira especial, agradecemos ao persoal funcionario do Centro Penitenciario de Teixeiro e ao seu equipo directivo, polo apoio constante e polo cariño co que sempre nos acollen. E o equipo Raiña poidemos agradecerllo, na Capela do Centro, a Aquel que o fai todo posible,

Parabéns ás persoas galardoadas neste acto, así como a aquelas que foron distinguidas pola traxectoria de 25 anos de servizo.

Este recoñecemento anímanos a seguir traballando, desde a Esperanza e o Compromiso cristián, por unha sociedade máis xusta, fraterna e solidaria.