O pasado venres celebrouse, na parroquia de Santa Mariña Dozo de Cambados, o terceiro encontro de formación sobre o Plan Pastoral Diocesano 2026-2029, no que participaron axentes de pastoral de varias parroquias da zona de Arousa. A xornada desenvolveuse nun clima de reflexión, diálogo e traballo compartido, consolidando así o proceso formativo que se vén realizando en distintas zonas da diocese.
Ao longo da sesión afondouse nas liñas prioritarias do Plan Pastoral, poñendo o acento na importancia dunha programación concreta, realista e misioneira nas parroquias. Tras unha primeira parte máis teórica, os participantes traballaron por grupos para revisar a realidade das súas comunidades e avanzar na definición de obxectivos e accións adaptadas ao seu contexto.
Este terceiro encontro permitiu dar un paso máis na capacitación práctica dos axentes de pastoral, reforzando a corresponsabilidade e a coordinación entre parroquias. A formación concluíu cun espazo de posta en común e diálogo, no que se subliñou a necesidade de seguir camiñando xuntos, en clave sinodal, ao servizo da misión evanxelizadora nas diferentes comunidades.
