Hora Santa

Onte, Xoves Santo, un bo número de parroquias mantivo a Celebración da Cea do Señor. Día do Amor Fraterno, da institución da Eucaristía e do Sacerdocio, celebrouse este ano coa austeridade propia das medidas sanitarias adoptadas polo coronavirus.

Unha vez Xesús Sacramentado ocupou o lugar da reserva no sagrario, ao término da celebración, moitos sacerdotes convidaron aos seus fieis a unirse en oración desde o fogar, emulando o acompañamento do Señor na Horta das Oliveiras. Por exemplo, Fermín Santiago, párroco de Campolameiro e Unidas, prendeu uns velóns diante do tabernáculo para acompañar a Xesús mentres rezaba por todos os enfermos e defuntos das familias locais e pola fin da presente pandemia.