ActualidadO Museo Catedral organiza visitas guiadas á exposición sobre o pintor Juan...

O Museo Catedral organiza visitas guiadas á exposición sobre o pintor Juan Luis

Dende Museo da Catedral de Santiago estase a poñer en marcha un proxecto complementario de difusión da obra do pintor compostelán Juan Luis López (1894-1984) con motivo da exposición no Pazo de Xelmírez dos seus oito paneis realizados para a Exposición Iberoamericana de Sevilla de 1929. Neste sentido, organízanse visitas guiadas para os grupos que o desexen, mediante solicitude previa no enderezo deac@catedraldesantiago.es. Estas visitas divulgativas poderanse realizar de luns a venres, entre as 10 h e as 14 h.

As obras expostas son unhas interesantes pezas, realizadas expresamente por Juan Luis para a citada exposición, por encargo das deputacións de Galicia e baixo a dirección do pintor coruñés Francisco Lloréns. O artista elixiu unha temática relacionada coa catedral de Santiago e a tradición xacobea e unha técnica próxima ao puntillismo. Nelas, aparecen representadas escenas crave na historia de Compostela: a Translación do corpo de Santiago; a destrución da Basílica de Alfonso III polas tropas de Almanzor; o traslado das campás da catedral; a construción da catedral románica; a coroación, na propia catedral, de Alfonso VII como Rei de Galicia polo Arcebispo Xelmírez; o proxecto do Mestre Mateo e a construción do Pórtico da Gloria. A exposición enmárcase nun programa cultural centrado na presenza da catedral e o feito xacobeo nos artistas ao longo da historia, impulsado pola Fundación Catedral e que, entre 2017 e 2019 tivo unha primeira fase centrada no pintor compostelán Juan Luís López, un dos pintores galegos máis relevantes da primeira metade do século XX; que incluíu a recuperación do Tríptico de Pentecostés, pertencente á colección catedralicia; a publicación dunha monografía sobre a presenza da catedral na obra deste artista e, por fin, a exposición que agora se pode visitar no Pazo de Xelmírez. Para esta mostra, a Fundación Catedral contou coa imprescindible colaboración da Deputación dá Coruña, que cedeu temporalmente as pezas, habitualmente expostas no Pazo de Mariñán e que, no seu noventa aniversario, visitan de novo Compostela; e que concedeu unha subvención para a súa organización, dentro do programa que esta institución ten para que museos e institucións culturais poidan desenvolver actividades culturais ao longo do ano.

Lo más visto

Condecoración a cuatro sacerdotes en la celebración del Pilar

Los sacerdotes Antonio Vila Brion, párroco de Baroña y Xuño, Ramón Jorge Mosquera (Porto do Son e unidas), Jesús López Míguez (Outes) y José...

«Polo Camiño da fe»: 75 anos da Irmandade Obreira de Acción Católica

A Irmandade Obreira de Acción Católica cumpre 75 anos de existencia. Os militantes de toda Galicia runíronse na Raíña para compartir una xornada de...

Más Entradas