Un ano máis, os scouts de todas as Delegacións diocesanas galegas, atopábanse no Centro de acollida scout Abeiro, na parroquia compostelá de Santa María de Figueiras, durante a mañá do sábado do 14 de setembro para ter a súa XXV Xuntanza Xeral, e a LIII Xuntanza Diocesana Ordinaria de Santiago pola tarde.
O escultismo católico é un movemento eclesial de educación integral no tempo libre que se propón formar homes e mulleres libres, críticos, comprometidos coa súa fe e no momento histórico que lles tocou vivir, abertos aos demais, capaces de amar e de vivir en grupo.
A súa metodoloxía pedagóxica baséase na vida en pequenos grupos, a autogestión, o contacto coa natureza, o xogo, a adhesión libre á lei scout e unha promesa como camiño de experimentación do compromiso.
Na nosa xeografía galega máis de 300 nenos e nenas, mozos e mozas, en idades comprendidas entre os 7 e os 19 anos, participan deste movemento. Os distintos grupos están distribuídos en diversas parroquias das cidades e vilas de Tui, Santiago, Coruña e Sada.
Para máis información pode contactarse a través dos teléfonos 981526777 – 678797685, ou ao seguinte correo: scoutsgalicia@scoutsgalicia.org
