ActualidadInaugurado o Curso 2021-2022 no Seminario Menor

Inaugurado o Curso 2021-2022 no Seminario Menor

“Transmitide unha experiencia de amizade (con Xesús) na misión educativa”. Con estas palabras, o Sr. Arcebispo animaba ao corpo docente do Seminario Menor na Misa coa que se inauguraba o novo curso educativo 2021-2022.

Comezaba o día co recibimento dos alumnos que estes anos xa estudaron neste Centro e tamén aos novos que, neste curso, por vez primeira eran mozos e mozas. Despois de situarse nas respectivas clases, foron instruídos nas medidas contra a Covid-19, co rogo de que a responsabilidade individual sexa moi importante na loita contra a pandemia.

A media mañá, chegou o Sr. Arcebispo, que quixo estar presente nesta xornada histórica. Ademáis de presidir os actos solemnes do día (a Eucaristía e o Acto académico), mantivo un encontro co claustro de profesores, visitou ao persoal de servizo e falou cos alumnos e alumnas.

O Sr. Arcebispo animou á comunidade educativa a non agachar a identidade católica do Centro, a traballar unidos, a ser creativos e a formarse para poder axudar aos demais. Destacou a función dos formadores, pero tamén a necesidade de que toda a familia do Seminario Menor se involucre na Diocese. Animounos a educarnos en liberdade e en verdade, comprometéndonos todos neste obxectivo.

Despois da Eucaristía, na que pedimos a axuda do Espírito Santo, da Nosa Nai, a Virxe dos Dores e de San Rosendo, co-patron do Seminario , tivo lugar o acto académico, no que D. Santiago, xefe de estudos da ESO, dou a lección inaugural que versou sobre “O Apóstolo e a Urbe: Santiago e Compostela” e o Sr. Reitor animounos a coller azos para estes meses nos que ten que estar presente a “cultura do esforzo”.

Cos ánimos do noso Pastor diocesano, comezamos este novo curso que podemos dicir que é histórico polo paso dado. No horizonte, temos unha meta, na que ademais de acadar as mellores calificacións, tamén está: amar a Deus para coñecelo e dalo a coñecer.

Manuel Jesús Formoso

Lo más visto

Condecoración a cuatro sacerdotes en la celebración del Pilar

Los sacerdotes Antonio Vila Brion, párroco de Baroña y Xuño, Ramón Jorge Mosquera (Porto do Son e unidas), Jesús López Míguez (Outes) y José...

«Polo Camiño da fe»: 75 anos da Irmandade Obreira de Acción Católica

A Irmandade Obreira de Acción Católica cumpre 75 anos de existencia. Os militantes de toda Galicia runíronse na Raíña para compartir una xornada de...

Más Entradas