O próximo 12 de abril de 2025, ás 20:00 horas, o Pazo da Cultura de Pontevedra converterase no escenario dun emocionante concerto solidario organizado a beneficio de Manos Unidas, dentro da súa campaña contra a fame.
As Orquestras Infantil e Xove da Sinfónica de Pontevedra serán as encargadas de deleitar ao público. Baixo a dirección de Mayda Toledo Aribú (OSP Infantil) e Lara González Cortés (OSP Xove), o evento promete unha noite chea de música e solidariedade.
As entradas están dispoñibles en ataquilla.com e tamén se poderán adquirir unha hora antes do concerto no propio Pazo da Cultura. O prezo do donativo é de 8 euros. Ademais, existe a posibilidade de colaborar a través da entrada da fila cero para aqueles que desexen apoiar sen asistir ao evento.
Esta iniciativa conta coa colaboración da Sinfónica de Pontevedra, o Concello de Pontevedra, e a Deputación de Pontevedra.
