O xoves 5 de febreiro tivo lugar unha xuntanza de capeláns e delegadas da Pastoral Penitenciaria de Galicia, acompañados polo bispo, D. Fernando García Cadiñanos.
A reunión tivo como obxectivo principal rematar de perfilar as Xornadas Interdiocesanas de Pastoral Penitenciaria, que terán lugar o 7 de marzo en Santiago de Compostela, baixo o lema “Persoas estranxeiras no cárcere. Estratexias para a súa reinserción”.
Estas xornadas desenvolveranse no Mosteiro de San Martiño Pinario (ITC) e están dirixidas a axentes de pastoral, voluntariado e persoas interesadas na realidade penitenciaria, ofrecendo espazos de formación, reflexión e diálogo compartido.
Este encontro supuxo un espazo de diálogo e traballo compartido, reafirmando o compromiso común coa acción pastoral no ámbito penitenciario e coa atención ás persoas privadas de liberdade.
